Jambyl oblysy, Merki aýdanynda býylǵan 1700 túk shóp órtenip ketti, dep habarlaıdy Egemen.kz.
Merki aýdany, Merki aýyly, Nızamı kóshesi 41 «A», jeke turǵyn úıdiń aýlasynda shóparan otqa orandy. Ondaǵy 1700 túk shóp órtenip, jalyn 70 sharshy metr aýmaqty sharpyǵan. «Aǵymdaǵy jyldyń 24 tamyzynda tańǵy saǵat 4.07-de Merki aýdany, Merki aýylynyń 9 órt sóndirý bóliminiń «101» nómirine aýyldyń Nızamı kóshesindegi turǵyn úıdiń aýmaǵynda shóp órtengeni týraly habarlama kelip tústi.
Oqıǵa ornyna bólimniń kúshteri men quraldary jedel jóneltildi. Tilsiz jaý shuǵyl áreketterdiń nátıjesinde saǵat 4.30-da oqshaýlanyp, saǵat 5.10-da tolyq sóndirildi», delingen TJD habarlamasynda.
О́rtti sóndirýge 7 qyzmetker, 2 tehnıka jumyldyrylǵan. Jalpy, 37 tonna shóp órtenip ketken.