Álemge áıgili qaıratker Nelson Mandelanyń nemeresi Ndıleka Mandela el gazeti «Egemen Qazaqstanǵa» qonaqqa keldi. Qurmetti meımandardy Basqarma tóraǵasy Darhan Qydyráli qarsy alyp, suhbattasty.
Kezdesý barysynda Ońtústik Afrıka respýblıkasynyń tuńǵysh prezıdenti, Nobel syılyǵynyń laýreaty Nelson Mandelanyń murasy, eki el arasyndaǵy mádenı yntymaqtastyq týraly sóz boldy.
Áńgime barysynda D.Qydyráli «Egemen Qazaqstan» gazetiniń tarıhymen tanystyrdy. О́z kezeginde Ndıleka Mandela jyly qabyldaýy men qonaqjaılyǵy úshin rızashylyǵyn jetkizip, gazet ujymyna shyǵarmashylyq tabys tiledi.
Sondaı-aq Qazaqstanǵa alǵash kelgendegi áserimen bólisip, eki el arasyndaǵy uqsastyqtar týraly aıtyp berdi.
Ndıleka Mandela – Nobel syılyǵynyń laýreaty Nelson Mandelanyń úlken nemeresi. 1965 jylǵy 22 aqpanda Keıptaýn qalasynda dúnıege keldi. Fılantrop, áleýmettik jáne gýmanıtarlyq qaıratker.
BUU aıasyndaǵy «Mandela sııaqty kóshbasshylar» atty halyqaralyq baǵdarlamanyń basshysy. Adamnyń ımmýntapshylyq vırýsy ınfeksııasy jáne juqtyrylǵan ımmýntapshylyǵynyń sındromy (AIV/JITS), sondaı-aq týberkýlezben kúresý boıynsha Jahandyq qordyń birqatar baǵdarlamalary boıynsha jumys isteıdi. «Reset Global» («Jahandy qalpyna keltirý») atty Ǵalamdyq assambleıa sheńberindegi Konsýltatıvtik keńestiń Afrıkanyń jastary men Afrıkadaǵy densaýlyq máseleleri jónindegi ýákili.
Ndıleka Mandelamen bolǵan suhbatty gazetimizdiń aldaǵy nómirleriniń birinen oqısyzdar.