Ýnıversıtet dástúrli formatta oqytýǵa daıyn

Bilim ordasynyń rektory Jasulan Shaımardanovtyń aıtýynsha, profes­sor­lyq-oqytýshylar quramy men qyz­metkerlerdiń 98%-y vaksına aldy. Qyz­metkerler men oqytýshylardy vak­sı­na­laýǵa tartý úshin túsindirý ju­mystary men yntalandyrý sharalary júrgizilgen. Vaksına alǵan 500-ge jýyq qyzmetkerge syıaqy túrinde materıaldyq kómek be­rildi.

– Vaksınalaý máseleleri boıynsha túsindirý jumystary júıeli túrde júrgizilip, medısına qyzmetkerlerimen onlaın kezdesýler uıymdastyryldy. Sonyń nátıjesinde qazir stýdentterdiń arasynda vaksınalaý qarqyndy júrýde, – dedi Jasulan Qudaıbergenuly.

Bıylǵy oqý jylynda vaksına alǵan aqyly bólimniń stýdentteri úshin oqýǵa 5% jeńildik qarastyrylǵan. Sony­men qatar stýdentter arasynda syı­lyq sertıfıkattarynyń utys oıyny ótki­zi­lip, 60 stýdent qarjylaı sertıfı­katqa ıe boldy. Aqshalaı júldeler utys oıy­nynda 70 stýdentke berilmek. Aldaǵy qyrkúıek aıynda stýdentterdiń Abaı jerine týrıstik sapary jáne «Prostor» jazǵy ekspedısııalyq kampýsynda tımbıldıng ótkizý josparlanyp otyr.

Sanıtarlyq dárigerdiń qaýlysyna sáıkes shekteý sharalary engizilip, ja­taqhana, kitaphana, barlyq oqý korpýs­taryna oqytýshylar men stýdentter Ashyq júıesi arqyly kiredi.

Ýnıversıtet basshysy aıtyp ót­ken­deı, oqý korpýstary men jataq­ha­nalar sanıtaızer, dezınfek­sııalyq jáne kvar­staýǵa arnalǵan shamdarmen, dezın­feksııalyq kilemshelermen qam­ta­masyz etilgen. Medısınalyq pýnkt barlyq qajetti preparatpen jabdyqtalǵan. Stýdentter men qyzmetkerlerdiń densaýlyq jaǵ­daıyn baqylaý úshin «Olımp» zerthanasymen kelisimshart jasalyp, COVID-19 testilerin jedel ótkizý úshin ekspress-testter satyp alyndy.

Sanıtarlyq-epıdemııalyq qaýip­sizdikti qamtamasyz etý maqsatynda ja­salǵan Reglament boıynsha kireberis­ter­de dezınfeksııalyq tonnelder orna­tylǵan. Maskalyq rejim, termo­g­ra­­fııalyq baqylaý, ǵımaratty sanı­tarlyq óńdeý kestege sáıkes júzege asy­rylady. Barlyq aýdıtorııalar men zert­hanalarda, ashana men kitap­hanada qashyqtyq saqtaý tańbalary jasaldy. Dárigerdiń kezekshiligi uıym­das­ty­r­ylyp, jataqhanada stýdent­ter­diń den­saýlyǵyna kúndelikti monıtorıng júrgiziledi.

Kitaphananyń oqý zaly keń jáne kópfýnksıonaldy. Stýdentter kitaphana qoryna erkin qol jetkize alady. Qajetti kitaptardy óz betimen alýǵa, tirkeýge jáne paıdalanýǵa jaǵdaı jasalǵan.

Ýnıversıtettiń basqa qala-aýdan­dardan kelgen stýdentterge arnalǵan 1500-den asa oryndyq úsh jataqhanasy bar. Bul jataqhanaǵa qajettilikti to­ly­­ǵymen jabady. Boljam boıynsha jataq­ha­naǵa qajettilik – 985 oryn, onyń ishinde «Serpin» baǵdarlamasymen oqı­tyn 178 stýdent bar.

Jaz boıy jataqhana bólmelerinde, jylý jáne sý júıesine, turmystyq teh­nıkaǵa aǵymdaǵy jóndeý júrgizilip, jańa jıhazdar jasaldy. Barlyq jataq­ha­na­larda fıtnes zaldary jab­dyq­talǵan.

Ýnıversıtettiń akademııalyq qyz­met jónindegi prorektory Jadyra Qońyr­bae­va túsindirip ótkendeı, bıyl stýdentter bakalavrıat, magıstratýra jáne doktorantýrada aralas oqytý for­maty boıynsha bilim alady: dárister onlaın, tájirıbelik jáne zerthanalyq sabaqtar oflaın ótedi.

Pánderdiń elektrondyq mazmunyn oqytýshylar Oren Edx, MOODLE VKTÝ, Google Classroom platformalarynda júktedi. Stýdentter apta saıyn beınematerıal túrinde berilgen dáristermen óz betinshe tanysady jáne taqyryp boıynsha oqıdy. Dáriske qatysý arnaıy júıelermen baqylanady. Al tá­jirıbelik sabaqtar qońyraýlardyń ıkemdi kestesimen jáne eki aýysymmen, sabaqtar arasyndaǵy ártúrli ýaqyttaǵy úzilistermen ótedi.

Stýdentter aýdıtorııada 2 metr, zerthanada 5 metr áleýmettik qashyqtyqty saq­taı otyryp, shahmat tártibimen otyrady. Aýdıtorııalardyń tolymdylyǵy 50%-dan aspaıdy. Oqý praktıkasy teo­­rııalyq oqytýǵa biriktirilgen jáne stý­dentter bazalyq ınjenerlik bilik­ti­likterdi ýnıversıtettiń quzyret­tilik ortalyqtarynda ala alady.

– Fızıka men hımııa pánderi­niń zerthanalyq jumystarǵa aldyn ala jazylady. Zerthananyń jumys kestesin, ju­mys­tyń ádistemelik nusqaýlyqtaryn bilim berý portalynda ornalasqan EKTU-LAB paraqshasy arqyly bilýge bolady. Onda aldyn ala jazylyp, zerthanalyq jumystardyń orny men ýaqytyn brondaýǵa bolady, – dedi prorektor Jadyra Qońyrbaeva.

Dene shynyqtyrý páni boıynsha oqý prosesin uıymdastyrý kezinde stý­dentterge «Tańdaý», «Koman­da», «Densaýlyq», «Kásipqoı» baǵ­dar­lama­larynyń birin tańdaý usy­ny­lady. Oqý júktemesinde dene shy­nyq­tyrýmen aınalysýdan basqa, daryndy stýdentterdi anyqtaý, olardy sport seksııalaryna tartý, joǵary deń­geı­degi jarystarǵa daıyndaý uıym­das­tyrylady. Máselen, «Komanda» baǵ­dar­lamasy boıynsha stýdentter sport­tyń 15 túri boıynsha jyl saıyn­ǵy Ýnı­versıadaǵa daıyndalady. «Den­saýlyq» baǵdarlamasyndaǵy sabaqtarǵa anyqtama boıynsha bosatyl­ǵan stýdentter qatysady. Al «Kásipqoı» baǵ­darlamasy kásibı sport túrlerimen aı­nalysatyn sport sheberine úmitker stýdentterge arnalǵan.

Aıjanat BAQYTQYZY