Bas memlekettik sanıtarııa dárigeri «2021-2022 oqý jylynda bilim berý uıymdarynda koronavırýs ınfeksııasynyń aldyn alý jónindegi sanıtarııalyq-epıdemııaǵa qarsy jáne sanıtarııalyq-profılaktıkalyq is-sharalardy júrgizý týraly» jańa qaýlyǵa qol qoıdy, dep habarlaıdy Egemen.kz.
2021-2022 oqý jylynda shtattyq formatta barlyq menshik nysanyndaǵy jáne vedomstvolyq baǵynystaǵy bilim berý uıymdarynda talap etiledi:
pedagogtar men personaldyń 100% vaksınasııalanýy (turaqty medısınalyq qarsy kórsetilimderi bar adamdardy, COVID-19 aýyryp saýyqqan adamdardy saýyqqannan keıin 3 aı ishinde qospaǵanda); uıymǵa kirý kezinde Ashyq qosymshasyn engizý (pedagogtardy, personaldy, ata-analardy (zańdy ókilderdi), 18 jáne odan joǵary jastaǵy bilim alatyn kelýshilerdi QR-kod (check-in) boıynsha tirkeý); maska rejımin saqtaý; resırkýlıatorlardyń, sanıtaızerlerdiń, teri antıseptıkteriniń, dezınfeksııalaý jáne jýý quraldarynyń jetkilikti sanymen qamtamasyz etý; úı-jaılardy jınaý jáne dezınfeksııalaý jıiligin arttyrý; úı-jaılardy ylǵaldy jınaý jáne dezınfeksııalaý, úı-jaılardyń aýasyn jeldetý jáne zararsyzdandyrý rejımine qoıylatyn talaptardy saqtaý; pedagogtardyń, personaldyń jáne bilim alýshylardyń kúndelikti «kirý» súzgisi (baılanyssyz termometrmen termometrııa); buqaralyq is-sharalardy ótkizýge tyıym salý (mádenı, tárbıe, synyptan tys jáne ata-analar jınalystary jáne t. b.); mektepke deıingi jáne orta bilim berý uıymdarynda toptar men synyptardy biriktire otyryp is-sharalar ótkizýge tyıym salý; zerthanalyq, praktıkalyq sabaqtardy qospaǵanda, kabınettik oqytý júıesin boldyrmaý; bastaýysh, orta jáne joǵary synyp oqýshylaryn bólek ustaý (sabaqtyń bastalý ýaqyty boıynsha eń joǵary múmkindikti eskere otyryp) jaǵdaılarynda oqytý. Synypta (topta) COVID-19 aýrýynyń 1 jaǵdaıy tirkelgen kezde - synyp (top) 14 kún boıy úı karantınine oqshaýlaýǵa jatady.Al kolledjderde, joǵary oqý oryndarda COVID-19 aýrýynyń 1 ınkýbasııalyq kezeńinde bir aǵyn toptarynyń 30 paıyzdan astamy tirkelgen kezde - aǵyn 14 kún boıy úı karantınine oqshaýlanýǵa jatady.