Úzdik bilim uıymy 34 mln teńge ıelendi

– Qala, aýyldardy aralap, birneshe mekteptiń jańa oqý jylyna daıyndyq barysyn kórip shyqtym. Oblys boıynsha bilim berý uıymdary 1 qyrkúıekte oqýshylardy qabyldaýǵa daıyn. Degenmen indettiń jańa shtamdary paıda bolǵan qazirgideı qıyn kezeńde biz úshin árbir balanyń densaýlyǵy mańyzdy ekenin esten shyǵarmaýymyz kerek. Osydan da oblystyq bilim basqarmasyna barlyq bilim uıym­darynda sanıtarlyq talaptar­dy qatań saqtaýdy, balalar ómi­riniń qaýipsizdigin qamtamasyz etý máselesin erekshe baqylaýda ustaýdy tapsyramyn, – dedi oblys ákimi.

Aımaq basshysy Memleket bas­shysy Qasym-Jomart Ke­mel­uly Toqaevtyń bastamasy­men sa­lada sońǵy jyldary re­for­ma­lardyń sátti júzege asy­ryl­ǵa­nyn atap ótti. Aýyl mektep­te­riniń jaǵdaıyn jaqsartý baǵy­tynda naqty qadamdar jasaldy. Pedagog jáne olarǵa teńestirilgen qyzmetkerlerdiń eńbekaqysy bıyldyń ózinde 50%-ǵa kóteril­se, aldaǵy eki jylda eki ese ul­ǵaıa­dy. Osy jyly respýblıkalyq bıýdjetten bul maqsatqa 32,2 mlrd teńge qarjy bólinip otyr. Oblystaǵy bilim salasynyń bıyl­ǵy bıýdjeti 185 mlrd teńge.

Jıynda Senat depýtaty Murat Baqtııaruly men Májilis depýtaty Balaıym Kesebaeva ın­klıýzıvti bilim berý úshin arnaıy mektep ashý, muǵalimderdiń medısınalyq anyqtamasyn ázir­leýde jeńildikter qarastyrý se­kildi usynystaryn jetkizdi.

Pedagogter basqosýynda Y.Al­tynsarın atyndaǵy Ulttyq bilim akademııasynyń prezıdenti Ǵanı Beısembaev «Bilim alýshylardyń bilimin tolyqtyrý jańa oqý jy­lynyń basty mindeti», «Talap» KeAQ vıse-prezıdenti San­jar Tá­tibekov «Tehnıkalyq já­ne ká­­siptik bilim berýdi trans­for­ma­sııa­laýdyń ózekti baǵyt­tary» ta­qy­ryptarynda baıandama jasady.

Oblystyq bilim basqarma­sy­nyń basshysy Aqzıra Qasymova atqarylǵan jumystar men al­daǵy mindetter týraly baıanda­dy. Byltyrǵy onlaın oqytý mek­tepterdiń kompıýterlik parkin jańartýǵa da septigin tıgizdi.

– Bilim salasynyń bastapqy satysy – mektepke deıingi tárbıe baǵytynda da nátıjeli qadamdar bar. Oblysta 670 mektepke deıingi uıymdarda 58 myńnan astam bala tárbıelenýde. Balalardy erte damytý ınstıtýtyn qurýdyń al­ǵashqy tájirıbesi bastalyp ta ketti. «Altyn uıa» bóbekjaı ba­la­baqshasy sıfrly bilim berý isi­ne kóshti. Osy oqý jylynda ti­rek bilim berý uıymdary arqyly ár aýdannan IT-balabaqsha jeli­si ashylady, – dedi basqarma basshysy.

Jańa oqý jylynda 294 mem-­ lekettik jáne 10 jeke mektepte 177 myń oqýshy bilim alady. Onyń ishinde 1-synypqa 18 myńnan asa bala qabyldanady. Oqýdy dástúr­li formatta bas­taıtyn oqýshy­lar men muǵalimder­diń qaýipsizdi­gi úshin barlyq bilim be­rý uıymda­ry «Ashyq» qosymsha­sy­­na qosyl­dy. Pedagogterdiń 97%-y vaksınalan­dy. Oqý jylynyń bastalýyna deıin bul kórsetkish 100%-ǵa je­tedi dep josparlanýda.

Aımaq mektepteri beıne­ba­qylaý júıesimen 100% qam­tyldy. Byltyr 70 mektep jedel basqarý ortalyǵyna qosylsa, bıyl 35 mektep ulttyq beınemo­nıtorıng júıesiniń tike­leı ba­qylaýyna engen.

Aýyl mektepterinde bilim ala­tyn oqýshylarǵa arnalǵan «Myń bala» olımpıadasyna 2019 jyldan bastap 27 502 oqý­shy qatysyp, 174 jeńimpaz atan­ǵan. Eki jyl ishinde 50 oqýshy ma­mandandyrylǵan mektepterge joldama aldy. Basqarma basshysy bıyl zııatkerlik olımpıada qorytyndysymen oblystyń úzdik úshtikten kóringenin de atap ótti.

Bıyl 6 jańa bilim oshaǵy paı­dalanýǵa berilmek. «Jańa oqý jy­lynda Aral aýdany Sekseýil ken­tindegi Prezıdent tapsyrmasymen iske asqan 300 oryndyq mektep pen qurylysy ınvestorlar esebinen júrgizilgen 2 jeke mektep paıdalanýǵa beriledi dep josparlap otyrmyz. Qalǵan 3 mektepti jyl sońyna deıin tabys­taımyz», dedi Aqzıra Qasymova. Jalpy, aldaǵy 5 jylda Nur Otan partııasynyń jol kartasy aıasynda 28 mektep salynady.

Oblysta ınklıýzıvti bilim be­rý­di damytý maqsatynda 2020-2022 jyldarǵa arnalǵan arnaıy Jol kartasy jasalyp, oǵan 4 mlrd teńge qarjy qaraldy. Bıyl mektepke deıingi 47 mekemede logo­pýnkt ashylyp, mamanmen qam­tylady.

Saltanatty is-sharada bi­lim berý isine eleýli úles qos­qan úzdikter marapattaldy. Ob­lys ákimi Bilim jáne ǵylym mı­nıstr­liginiń «Y.Altynsarın» tós­belgisin Tekeı batyr Qarpyquly atyn­daǵy joǵary kolledjiniń qu­ryltaıshysy Mırambek Isaev­qa, Qazaly aýdanyndaǵy №276 orta mektebi dırektorynyń oqý isi jónindegi orynbasary Baǵ­dat Orymbasqa, Qyzylorda qa­la­syn­daǵy №23 mektep-lıse­ıi­niń al­ǵashqy áskerı daıyndyq pá­ni­niń muǵalimi Roman Ogaı men ob­lystyq bilim basqarmasynyń tárbıe jáne ózin ózi taný ju­mys­­­tary bóliminiń bas mamany Shol­­pan Baıǵazıevaǵa tabystady. So­nymen qatar Syrdarııa aýdany Shir­keıli aýyly Ábirásh Jámi­shov atyndaǵy №129 mektep-lı­seıi­niń aǵylshyn tili pániniń muǵ­a­li­mi Raýshan Abdramanova, Isataı Áb­dikárimov atyndaǵy Qyzylor­da agrarlyq tehnıkalyq joǵary kol­ledjiniń oqytýshysy Rahııa Ábýova, Jalaǵash aýdany, «Araı» bóbekjaı-baqshasynyń tárbıeshisi Gúlbaný Jalǵasova men Qarmaq­shy aýdany, Shoqan Ýálıhanov atyndaǵy №26 orta mektebiniń dırektory Máýegúl Erǵalıeva «Qazaqstan Respýblıkasy bilim berý isiniń qurmetti qyzmetkeri» tósbelgisimen marapattalady. Al oblys ákiminiń Alǵys haty Aral aýdany №19 orta mektebiniń matematıka pániniń muǵalimi Gúljan Sembaıqyzyna, oblystyq №7 arnaıy túzetý mektep-ınternatynyń eńbek pániniń muǵalimi Jarqynbek Kárimberdiulyna, Jańaqorǵan aýdanyndaǵy №162 orta mekteptiń bastaýysh synyp muǵalimi Mereke Ábdimájıtqyzyna tabystaldy.

Oblys ákiminiń «Úzdik orta bi­lim uıymy» grantyn jeńip al­ǵan oblys ortalyǵyndaǵy Tákeı Esetov atyndaǵy №264 mektep-lı­seıi ujymy 34 mln teńge ıelendi.

Qyzylorda oblysy