Bilim jáne ǵylym mınıstrligi Jambyl oblysyndaǵy jaǵdaı týraly málimdeme jasady, dep jazady Egemen.kz.
QR BǴM Balalardyń quqyqtaryn qorǵaý komıtetine kelip túsken aqparatqa sáıkes, Jambyl oblysy, Baızaq aýdanynda zardap shekkender arasynda balalar joq. Jergilikti atqarýshy organdardyń qyzmetkerleri jaqyn mańdaǵy eldi mekenderden Taraz qalasyna, sondaı-aq Baızaq aýdanynyń Sarykemer jáne Keńes aýyldaryna 83 balany evakýasııalady.
«QR Bilim jáne ǵylym mınıstri Ashat Aımaǵambetovtiń tapsyrmasy boıynsha túnde oqıǵa ornyna Balalardyń quqyǵyn qorǵaý komıtetiniń tóraǵasy E.N.Imanǵalıev bardy. Evakýasııalanǵan balalarǵa qajetti jaǵdaılar jasaldy, olar ystyq tamaqpen jáne dári-dármekpen qamtamasyz etildi», dep jazylǵan málimdemede.
Evakýasııalanǵan balalarǵa qoldaý kórsetý úshin QR BǴM ata-analarǵa balalaryn «Baldáýren» respýblıkalyq oqý-saýyqtyrý ortalyǵyna jiberý usynyldy.
«Aıta keteıik, balalarǵa jedel kómek kórsetýdi uıymdastyrý úshin QR BǴM shuǵyl túrde táýlik boıy jumys isteıtin jedel jelilerdiń jumysyn uıymdastyrdy. Ol úshin «Bala gorqau» telegramm-chatyna nemese 87025642168, 87012100238, 87172742528 nómirlerine habarlasýǵa bolady», dep jazady vedomstvo.