Almatyda 1 qańtardan 25 tamyzǵa deıingi aralyqta 36 228 obektige karantın talaptary boıynsha tekserý júrgizildi, dep jazady Egemen.kz.
Karantın sharasyn buzǵan 3390 obekti anyqtaldy. 5457 hattama jasaldy, onyń ishinde zańdy tulǵalarǵa shamamen 199 mln teńgege 565 hattama toltyryldy. Jeke tulǵalarǵa qatysty maska rejımin buzǵany úshin shamamen 215 mln teńgeni quraıtyn 4892 hattama jasaldy.
«Karantın erejelerin júıeli túrde buzǵany úshin mamandandyrylǵan aýdanaralyq ákimshilik sotqa 75 is jiberildi, 65-niń qyzmeti toqtatyldy. Qazirgi ýaqytta Almaty qalasynyń soty turaqty tártip buzýshylarǵa qatysty 8 isti qarap jatyr», dep jazylǵan habarlamada.