Sınoptıkter 30 tamyzǵa arnalǵan aýa raıy boljamyn usyndy, dep jazady Egemen.kz.
«Qazaqstan aýmaǵynyń basym bóligine atmosferalyq fronttar áser etedi. Sonyń saldarynan naızaǵaı oınap, jańbyr jaýady. Soltústik pen shyǵysta qatty jańbyr jaýady, jel kúsheıedi. Ońtústikte shańdy daýyl soǵady. Sonymen birge, soltústikte, ortalyqta, shyǵysta, ońtústik-batystyń taýly aýdandarynda burshaq jaýady. Tek elimizdiń batysy, soltústik-batysy jáne qıyr soltústiginde antısıklon áserinen jaýyn-shashyn jaýmaıdy», dep habarlaıdy «Qazgıdromet» RMK.
Aqmola oblysynyń ortalyǵy, ońtústigi men shyǵysynda naızaǵaı jarqyldap, burshaq jaýady. Naızaǵaı kezinde jel jyldamdyǵy 15-20 m/s jetedi. О́ńirdiń soltústiginde tuman túsedi.
Pavlodar oblysynyń ortalyǵynda, ońtústik-shyǵysy men shyǵysynda kún kúrkireıdi. Kúndiz oblystyń shyǵysynda burshaq jaýady. Naızaǵaı kezinde jel ekpini 15-20 m/s deıin kúsheıedi.
Qaraǵandy oblysynyń soltústigi, shyǵysy men ortalyǵynda naızaǵaı oınaıdy. Túnde jáne tańerteń oblystyń soltústiginde jáne ortalyǵynda tuman túsedi. Naızaǵaı kezinde jeldiń kúshi 15-20 m/s bolady.
Shyǵys Qazaqstan oblysynda túnde batysy, soltústik-batysy men soltústiginde, kúndiz basym bóliginde naızaǵaı jarqyldaıdy. Kúndiz batys, soltústik, soltústik-batys jáne ortalyǵynda burshaq jaýady, daýyl turady. Naızaǵaı kezinde jel qarqyny - 15-20 m/s.
Jambyl oblysynyń taýly aýdandarynda jáne soltústik-shyǵysynda daýyl, burshaq, kúndiz batysy men shyǵynda shańdy daýylmen jeldiń 15-20 m/s kúsheıýi kútiledi.
Túrkistan oblysynyń taýly aýdandarynda naızaǵaı kezinde jeldiń kúshi 15-20 m/s jetedi.
Tańerteń jáne kúndiz Qyzylorda oblysynyń ońtústigi men ońtústik-shyǵysynda kún kúrkireıdi. Jel ekpini - 15-20 m/s.
Kúndiz Aqtobe oblysyń ońtústik-shyǵysynda sekýndyna 16 metr jyldamdyqpen jel soǵady.
Qostanaı oblysynyń soltústiginde, Soltústik Qazaqstan oblysynyń soltústigi men batysynda túnde topyraq betinde 2 gradýs úsik júredi.
Túnde jáne tańerteń Qostanaı oblysynyń soltústiginde tuman túsedi.
Mańǵystaý, Atyraý, Batys Qazaqstan, Aqtóbe, Túrkistan, Jambyl oblystarynda, Qyzylorda, Qostanaı, Almaty oblystarynyń basym bóliginde, Qaraǵandy oblysynyń keı jerlerinde, Shyǵys Qazaqstan oblysynyń ońtústiginde, Aqmola oblysynyń batysynda, Pavlodar oblysynyń ortalyǵynda tótenshe órt qaýpi saqtalady.