29 tamyz, tańǵy saǵat 05:46 shamasynda «Toyota Land Cruiser» avtokóliginiń júrgizýshisi Qyzylorda qalasynyń ortalyq kósheleriniń birinde kóliktiń basqarý júıesine ıe bola almaı, baǵdarsham aldynda toqtap turǵan jedel járdem avtokóligin soqqan, dep habarlaıdy Egemen.kz.
«Syr boıy» basylymynyń habarlaýynsha, jol-kólik oqıǵasy saldarynan №5 qalalyq emhananyń jedel medısınalyq kómek bólimshesiniń feldsheri J.Omarova men jedel járdem kóliginiń júrgizýshisi B.Maenov kóz jumdy.
Tekserý barysynda «Toyota Land Crusier» avtokóliginiń júrgizýshisi «orta» dárejedegi masań kúıde bolǵany anyqtaldy.
Sonymen qatar, bul azamat Qyzylorda qalasynyń mamandandyrylǵan ákimshilik sotynyń 2016 jylǵy qarasha aıyndaǵy sheshimimen 5 jylǵa kólik quralyn basqarý quqyǵynan aıyrylǵan.
Qazirgi tańda jol-kólik oqıǵasy boıynsha QR QK-niń 346-babynyń 6-bóligimen (Kólik quraldaryn basqarý quqyǵynan aıyrylǵan jáne alkogoldik, esirtkilik jáne (nemese) ýytqumarlyq masań kúıdegi adamnyń kólik quralyn basqarýy, sol sııaqty kólik quralyn basqarýdy osyndaı adamǵa berý nemese kólik quralyn osyndaı adamnyń basqarýyna jol berý, osy baptyń birinshi bóliginde kózdelgen, abaısyzda eki nemese odan kóp adam ólimine alyp kelgen is-áreketter) sotqa deıingi tergep-tekserý amaldary júrgizilýde.
«Toyota Land Cruiser» avtokóliginiń júrgizýshisi Qyzylorda qalalyq polısııa basqarmasynyń ýaqytsha ustaý abaqtasyna qamaldy.
Tıisti saraptamalar taǵaıyndalǵan. Oqıǵanyń mán-jaıy anyqtalýda.