Úlken Almaty men Tuıyqsý shatqaldarynda tikushaq alańy bar baqylaý-qutqarý pýnkti ashylady. Bul týraly Almaty qalasynyń ákimi Baqytjan Saǵyntaev habarlady, dep jazady Egemen.kz.
Qala ákimi taý týrızminiń qaýipsizdigi men jaılylyǵyn tekserý barysynda modýldik qurylym sııaqty úıshikterdiń qurylysymen tanysty.
«Qyzǵylt sary tústi modýlderdiń ishi jylytý peshi, apattyq jaǵdaıda qajet jınaqpen jabdyqtalǵan. Ishinde alǵashqy kómek kórsetý jınaǵy, marshrýt kartasy, mobıldi qurylǵyny qýattaý stansasy, jyly kórpe men azyq-túlik jıyntyǵy bar. Shatyrda SOS spýtnıktik sıgnalyn qutqarýshylar pýltine jiberetin dabyl túımeleri bar radıorelelik dińgekter ornatylǵan», dep jazdy ákim.
Qala basshysynyń málimetine súıensek, taýdaǵy qaýipsizdik sharalary sheńberinde Úlken Almaty men Tuıyqsý shatqaldarynda baqylaý-qutqarý pýnkti ashylady. Onda tikushaq alańyn ashý josparlanǵan.
Shymbulaqta» qysqy maýsymǵa daıyndyq júrip jatyr. Shańǵy trassalary men qonaq úı jańartylady. Sondaı-aq vızıt-ortalyq ashylady.
«Sonymen qatar Medeu Park Hotel-di qurý, jańartylǵan Qazaq Auyl ekokesheni men alpınısterdiń súıikti mekeni – Tuıyqsý shatqalyndaǵy glempıngti qurý jobalarymen tanystym. «Medeýdiń» tómengi bóliginde arqany bar saıabaq pen densaýlyq joly salynyp jatyr», dedi Saǵyntaev.