Qazgıdromet 7 qyrkúıekke arnalǵan aýa raıy boljamyn jarııalady, dep habarlaıdy Egemen.kz.
Atmosferalyq frontaldy bólikterdiń ótýimen QR-nyń batysy, ońtústik-batysy, soltústik-batysy jáne soltústiginde jańbyr jaýady, naızaǵaı kútiledi. Qazaqstannyń qalǵan aýmaǵynda antısıklon jotasynyń áserimen jaýyn-shashynsyz aýa raıy kútiledi. Respýblıkanyń soltústigi men ońtústik-batysynda jel kúsheıedi, soltústik-batysynda tuman túsedi.
Mańǵystaý oblysynyń batysy men soltústiginde naızaǵaı kútiledi, batysy men ortalyǵynda jel 15-20 m/s jyldamdyqpen soǵady.
Qostanaı oblysynyń batysy men soltústik-batysynda naızaǵaı, tuman kútiledi.
Kúndiz Aqmola, Qyzylorda oblystarynyń soltústik-batysynda naızaǵaı kútiledi, Aqmola oblysynda jel 15-20 m/s kúsheıedi.
Kúndiz Almaty oblysynda qatty ystyq bolady.
Almaty, Jambyl, Túrkistan, Qyzylorda, Aqtóbe, Qostanaı, Atyraý oblystarynyń basym bóliginde, Batys Qazaqstan oblysynyń shyǵysy men ońtústiginde, Qaraǵandy oblysynyń batys jartysynda, Aqmola oblysynyń ońtústik-batysy men ońtústik-shyǵysynda, Pavlodar oblysynyń ortalyǵynda, Shyǵys Qazaqstan oblysynyń ońtústik-shyǵysynda tótenshe órt qaýpi saqtalady.