Almatyda jaıaý júrginshiler ótkeliniń tóbesinen sý aǵyp jatyr. Almaly aýdany ákimdiginiń ókilderi jaǵdaıǵa qatysty pikir bildirdi, dep habarlaıdy Egemen.kz.
Almaty turǵyndary Abylaı han men Gogol kósheleriniń qıylysyndaǵy jerasty jaıaý júrginshiler ótkelinde tóbeden sý aǵyp jatqanyna shaǵymdandy.
Almaly aýdany ákimdiginiń málimetinshe, 2018 jyly osy jerasty ótkeline jóndeý júrgizý barysynda tóbege gıdrooqshaýlaǵysh ornatylmaǵan.
«Búginde bul jerasty ótkelinde problema bar. Abylaı han kóshesiniń aryq jelisi arqyly sý jibergende, ótkeldiń shyǵys jaǵyna sý ketedi. Bul - sý kóp bolǵan jaǵdaıda. О́kinishke qaraı, sýdyń qaıdan aǵyp jatqanyn túsiný qıyn. Jol tósemin ashýǵa týra keledi», dedi Almaly aýdany ákimdiginiń abattandyrý bóliminiń ókili.
Ákimdik vıdeoǵa jaıaý júrginshiler ótkelin tazartýmen aınalysatyn kommýnaldyq sharýashylyq qyzmetkeri túsirilgenin de naqtylady. Túngi ýaqytta ótkel jaǵdaıyn jáne sanıtarlyq qondyrǵylardy baqylaıtyn birneshe qyzmetker kezekshilikte qalady.