Shý qalasynyń polıseıleri jergilikti turǵynnan 5 kg kóleminde gashısh esirtki zatyn tárkiledi, dep habarlaıdy Egemen.kz Polisia.kz-ke silteme jasap.
Jedel-izdestirý is-sharalary barysynda Jambyl oblysy PD esirtki qylmysyna qarsy is-qımyl basqarmasynyń qyzmetkerleri Moıynqum aýylynan 5 shaqyrym jerde Shý qalasynyń 31 jastaǵy turǵynyn ustady, tintý jumystary barysynda jalpy salmaǵy 4,7 kg «gashısh» esirtki zaty tabyldy.
«Ustalǵan azamat kinásin moıyndap, Shý qalasynyń ÝUI-ne qamaldy. Qazaqstan Respýblıkasy Qylmystyq Kodeksiniń 297-baby 3-bóligi «Esirtki zattardy, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý, jóneltý nemese ótkizý» boıynsha sotqa deıingi tergeý bastaldy», dedi Jambyl oblysy PD ÝPN bastyǵy Asqar Jumabekov.