Senator Bekbolat Orynbekov О́rt jáne TJ máselelerin sheshýdi talap etti. Depýtattyq saýalynda ol jaqynda Jambyl oblysynda bolǵan qaıǵyly oqıǵa TJ qyzmetiniń osal tustaryn anyqtaǵanyn atap ótti, dep jazady Egemen.kz.
Senatordyń aıtýynsha, qala men oblystaǵy órt sóndirý stansııalarynyń sany, sondaı-aq kezekshi qaraýyldyń jaýyngerlik esebi jeke quramynyń shtat sany normalarǵa sáıkes kelmeıdi. Sonymen qatar, senator arnaıy órt-qutqarý tehnıkasy men jabdyqtaryn satyp alýǵa aqshanyń jetispeýshiligi problemasyn da atap ótti. Osy sebepti órt sóndirýshiler men qutqarýshylar eskirgen jabdyqtarda jumys isteýge májbúr.
«Máselen, Jambyl oblysynda órt sóndirý qyzmetiniń avtotehnıka parki - 136 birlikti. Balansta bar avtokóliktiń 26 birligi eskirgen tehnıkadan turady, onyń paıdalaný merzimi 20 jyldan asady. Budan basqa, Baızaq aýdanynda tótenshe jaǵdaıdy joıý kezinde 18 birlik órt sóndirý tehnıkasy jaramsyz bolyp qalǵanyn atap ótý qajet», dedi Bekbolat Orynbekov.
Senatordyń usynysy – TJ qurylymdaryndaǵy jaǵdaıǵa keshendi taldaý júrgizý jáne atalǵan problemalardy sheshý boıynsha sharalar qabyldaý.