Qazaqstandyq sportshy Ámir Omarhanov Ázerbaıjan astanasy Baký qalasynda 18 jasqa deıingiler arasynda ótip jatqan ITF Juniors týrnıriniń jartylaı fınalyna shyqty, dep habarlaıdy Egemen.kz.
Qazaqstan tennıs federasııasy málim etkendeı, Qaraǵandy tennıs mektebiniń 13 jasar túlegi Ámir Omarhanov shırek fınalda reseılik Savelıı Shpıtamen kezdesti. Qazaqstandyq sportshy tartysty básekede 6:3, 7:5 esebimen jeńiske jetti.
Jas sportshy búgin taǵy bir reseılik Vıktor Kýznesovpen jarysqa túsedi. Ámir qarsylasynan asyp tússe, ol óz sporttyq jolynda alǵash ret ITF dodasynyń fınalyna shyǵady.