Vıse-Premer Eraly Toǵjanov bastaǵan úkimettik delegasııa jumys saparymen Jambyl oblysynyń Qordaı aýdanyna bardy, dep jazady Egemen.kz.
Premer-Mınıstrdiń orynbasary Memleket basshysynyń tapsyrmasy aıasynda vaksınalar óndiretin bıofarmasevtıkalyq zaýyttyń jumysymen tanysty. Eraly Toǵjanov zaýytta oblys ákimi, Instıtýt basshylyǵy, sarapshylardyń qatysýymen arnaıy keńes ótkizdi, onda zaýyttyń ózekti máseleleri qaralyp, sheshý joldary aıqyndaldy.
Sondaı-aq Vıse-Premer ınstıtýt qyzmetkerleri úshin turǵyn úı qurylysynyń barysyn tekserdi. Turǵyn úımen qamtamasyz etý bıologııalyq qaýipsizdik salasynda bilikti qyzmetkerlerdi tartý úshin jaǵdaı jasaýǵa múmkindik beredi. Budan bólek, delegasııa Gvardeısk kentiniń turǵyndary úshin jańa dene shynyqtyrý-saýyqtyrý kesheniniń qurylysymen tanysty.
Sonymen qatar E.Toǵjanov buqaralyq sportty damytý úshin «Aýyl - el besigi» baǵdarlamasy aıasynda salynǵan Otar aýylyndaǵy mádenıet úıi men dene shynyqtyrý-saýyqtyrý kesheniniń qurylys alańynda boldy. Keshen oıyn alańymen, kúres jáne jattyǵý zaldarymen jabdyqtalǵan, ústel tennısine arnalǵan bólmeler bar.
Jalpy, Premer-Mınıstrdiń orynbasary Qordaı aýdanynyń áleýmettik ınfraqurylymyn jaqsartý boıynsha júrgizilip jatqan jumystarǵa oń baǵa berdi.
Bul týraly COVID-19 taralýyna jol bermeý jónindegi VAK habarlady.