Qyzylorda oblysynda jalpy bilim beretin mektepterdegi 22180 muǵalimniń 95%-y koronavırýsqa qarsy vaksına saldyrdy, dep habarlaıdy Egemen.kz.
2020-2021 oqý jylynda muǵalimder arasynda koronavırýs ınfeksııasynyń zerthanalyq rastalǵan 108 jaǵdaıy tirkeldi. Onyń 40%-y – offlaın formatta sabaq bergen pedagogtar.
«Al jańa oqý jylynyń basynan búgingi kúnge deıin 22 muǵalim vırýs juqtyrdy. Degenmen olardyń 17-isi mekteppen baılanysty emes. Sebebi, eńbek jáne bala kútimine baılanysty demalysy kezinde úı oshaǵyndaǵy qarym-qatynastar arqyly juqtyrǵan. Olar bilim berý uıymyna barmaǵan. Al 5 jaǵdaı jańa oqý jylyn offlaın formatta bastaǵan oqytýshylar arasynda anyqtaldy», dedi oblystyq sanıtarııalyq-epıdemıologııalyq baqylaý departamentiniń bólim basshysy Almash Shýaqbaeva.
Aýrý oshaqtarynda epıdemııaǵa qarsy barlyq sharalar oryndaldy. Eske salsaq, Qyzylordada jańa oqý jylynda 102 oqýshy koronavırýs juqtyrdy.