Qyzyl kitapqa engen qustar otary Kishi Taldykólge ushyp keldi. Sý qoımasynyń jaǵasyna ásem qustardy kórýge keletinder sany kóbeıdi, dep habarlaıdy Egemen.kz.
Buryn tek haıýanattar baǵynda nemese teledıdarda kórsetilgen qustardy Kishi Taldykól jaǵasynan kórýge bolady.
Kól jaǵasyna kólikter toqtap, qala turǵyndary balalaryn sırek kezdesetin qustardy kórsetý úshin alyp kelýde.
Aıta ketsek, qoǵam belsendileri men qala turǵyndary Kishi Taldykólge qatysty jaǵdaıǵa qatty alańdaýly. О́tken aptada ǵana ekoaktıvıstter kóldi saqtaý týraly málimdeme jasaǵan. Ákimdik óz kezeginde sýly-batpaqty alqap tazartylyp, saqtalatynyna ýáde berdi.
«Osy kóldiń arqasynda biz aqqýlar men flamıngoǵa tańdana alamyz. Biz osy sulýlyqty tamashalaýǵa keldik. Kishi Taldykólge flamıngo shaǵyn otarda ushyp keldi. Búgin toǵanda onnan astam flamıngo bar. Olar áli jas, sondyqtan este qalarlyq qyzǵylt túske áli boıalmaǵan. Mamandardyń aıtýynsha, olar Qorǵaljyn qoryǵynan ońtústikke qaraı ushady», dedi Nur-Sultan qalasynyń turǵyny Aqmaral Qabeeva.
Ǵalymdar bul ásem kórinisti qala ishinde kórýdiń sońǵy múmkindigi ekenin joqqa shyǵarmaıdy.