Kreıdýndardyń kópshil kóńili

О́tken aptada Memlekettik hatshy Qyrymbek Kósherbaevtyń onlaın rejimde qatysýymen jeńim­pazdardy marapattaý rásimi boldy. Oblys ákimi Qumar Aq­sa­qalov Ulttyq baıqaýdyń jeńim­paz­­dary bolǵan kópbalaly otbasyǵa 5 mln teńgeniń sertıfı­ka­tyn, Mem­le­ket basshysy Qasym-Jomart Toqaevtyń atynan dıp­lom jáne eskertkishke baǵa­ly syı­lyqtar tapsyrdy. Kreı­dýn­dardyń otbasy ózderiniń tatý-tátti, úılesimdi otbasy eken­­dik­terin kórsete bildi. Bul shańy­raq­tan únemi jaıdary kúlki men jar­qyn únder ǵana shyǵyp turady.

Sergeı men Inna Kreıdýndar osydan 28 jyl buryn úılengen. Otaǵasy jergilikti sharýa qoja­lyǵynda mehanızator bolyp is­teıdi. Al áıeli Inna Andreevna – mektepte bastaýysh synyp muǵalimi. Ekeýiniń Andreı degen uly men Vıoletta esimdi qyzy bar. Soǵan qaramaı bul shańy­raq 2017 jyly «Patronattyq otbasy» baǵdarlamasy boıynsha bes balany asyraýyna alǵan. Olar Lıýbov, Valentına, Petr, Margarıta jáne Veronıka esimdi balalar. «О́zimizdiń sheshimimizge eshqashan ókinbeımiz. О́ıtkeni olar ózimizdiń týǵan balalarymyzdaı bolyp ketti», deıdi otanasy Inna Andreevna.

Búginde otbasynyń balalary erjetip, úlkenderiniń qoldary óz aýzyna jetken. Úlken uly Andreı óziniń qosalqy sharýashylyǵymen aınalysady, Vıoletta – tárbıeshi, Lıýba – 2-kýrs stýdenti. Al kishileri – Valentına, Margarıta, Veronıka jáne uly Petr mektepte oqıdy. Olardyń barlyǵy qazaq tilin erkin meńgergen.

Inna Kreıdýn: «Balalary­myzdy maqtan tutamyz. Biz olardy ósirsek, olar bizge ómirdiń maǵynasyn berdi. Oqý, maman­dyq alý, bolashaqty josparlaý múmkindigin bergeni jáne otbasymyzdy qoldaǵany úshin mem­leketke úlken alǵys aıtqym keledi. О́mirdi bilý jáne onyń qun­­dylyqtaryn baǵalaý óte ma­ńyz­dy. О́ıtkeni barlyq memleket­ter jas urpaqqa sonshalyqty mu­qııat qaramaıdy. Oń kózqaras bola­shaqqa degen senimdilik pen optımızm sezimin uıalatady», deıdi.

Soltústik Qazaqstan oblysy