Qazaqstan Úkimetiniń 2021 jylǵy 31 tamyzdaǵy qaýlysymen memleket shekarasyndaǵy zańsyz saýda aınalymyna qarsy is-qımyldyń keshendi jospary bekitildi, dep habarlaıdy Egemen.kz.
Jospar 3 baǵytty qamtıdy:
Zańnamalyq prosester jáne halyqaralyq yntymaqtastyq. IT-ınfraqurylymyn qurý. Baqylaý rásimin jetildirý.Atap aıtqanda, kelesiler josparlanǵan:
Avtomobıl ótkizý pýnktterinde elektrondyq kezekti engizý boıynsha pılottyq jobany júrgizý; Taýarlardyń negizgi toptarynyń ımportyna monıtorıng júrgizý, kóleńkeli aınalym deńgeıin tómendetý jóninde usynystar ázirleý; Ákelingen sátten bastap satýǵa deıin tańbalaýǵa jatatyn taýarlardy baqylaýdy kúsheıtý; TBJ-da tómen táýekel deńgeıindegi SEQ-qa qatysty selektıvti irikteý tetigin qoldaný; QHR-dan QR arqyly tranzıtpen ótetin taýarlar kólemine QHR kedendik statıstıkasymen alshaqtyqtardyń bolýy turǵysynan birlesken taldaý júrgizý; EAEO elderiniń fıskaldyq organdary arasynda eksporttyq operasııalar boıynsha málimetter almasý; QR men Qyrǵyzstannyń fıskaldyq organdary arasynda eksporttyq operasııalar boıynsha málimetter almasýdy jalǵastyrý; «ASTANA-1» AJ ıntegrasııasymen avtomobıl ótkizý pýnktterinde elektrondyq kezek júıesin engizý; Inspeksııalyq-tekserip qaraý keshenderiniń rentgen-sýretterin taldaý kezinde jasandy ıntellekt tetikterin engizý.Josparda barlyǵy 44 is-shara qarastyrylǵan.
Qaýly qol qoıylǵan kúninen bastap qoldanysqa engiziledi.