QR SJRA Ulttyq statıstıka bıýrosynyń basshysy Nurbolat Aıdapkelov Prezıdent janyndaǵy OKQ-da sanaq barysy týraly aıtty, dep jazady Egemen.kz.
«Sanaq ótkizý kezindegi basty máselelerdiń biri – azamattardyń jeke derekteriniń qaýipsizdigi. Azamattardan alynatyn barlyq aqparat qorǵalǵan baılanys arnalary arqyly bıýronyń ortalyq serverine beriledi. Munda barlyq derekter krıptografııalyq qorǵaý quraldarymen qorǵalǵan», dedi Aıdapkelov.
Sondaı-aq «Memlekettik tehnıkalyq qyzmet» AQ sanaq.gov.kz portalyna táýlik boıy monıtorıng júrgizedi jáne hakerlik shabýyldardyń aldyn alý qamtamasyz etedi.
Ulttyq stastıstıka bıýrosynyń basshysy PlayMarket servısinde Android qurylǵylaryna arnalǵan «Onlaın halyq sanaǵy-2021» qosymshasy paıda bolǵanyn jáne onyń ulttyq sanaqqa esh qatysy joq ekenin aıtyp, azamattardy senbeýge shaqyrdy. Búgingi tańda qosymsha servısten óshirilgen.