Atyraý oblysynda bıylǵy shomylý maýsymynda 28 adam sýǵa batyp ketken. Bul týraly óńirlik tótenshe jaǵdaılar departamenti azamattyq qorǵanys basqarmasynyń basshysy Baqyt Ablanov aıtty, dep jazady Egemen.kz.
«О́ńirdegi sý aıdyndarynda qaýpi basym 70 ýchaske bar. Balyq aýlaýshylar men jaǵalaýda demalýshylar arasynda sýǵa ketý deregi azaımaı otyr. О́ıtkeni, turǵyndar arnaıy jabdyqtalmaǵan oryndarda shomylady», deıdi Baqyt Ablanov.
Spıkerdiń aıtýynsha, Mahambet aýdanynda – 19, Atyraý qalasynyń aýmaǵynda – 17, Qyzylqoǵada – 15, Inderde – 10, Jylyoıda – 7, Qurmanǵazy aýdanynda 2 qaýipti ýchaske ornalasqan.
«Bıylǵy shomylý maýsymynda qaýipti ýchaskelerde 28 adam sýǵa batyp ketti. Onyń ishinde 10 bala bar», dedi basqarma basshysy.