Nur-Sultanda Táshenov kóshesindegi ýchaske jartylaı jabylady, dep jazady Egemen.kz.
Elordalyq Kólik jáne jol-kólik ınfraqurylymyn damytý basqarmasy Nur-Sultan qalasy PD ákimshilik polısııa basqarmasynyń kelisimimen jol qozǵalysy qaýipsizdigin qamtamasyz etý úshin Táshenov kóshesindegi jol tósemin jóndeý jumystaryn bastaıdy.
Jol jóndeý jumystarynyń júrgizilýine baılanysty bıyl qyrkúıektiń 18-inen 19-yna qaraǵan túni Baraev kóshesinen Táshenov kóshesine deıingi aralyǵy kólik qozǵalysy úshin ishinara jabylatyn bolady.
«Qala joldarynda keptelis týdyrmas úshin elorda turǵyndary men qonaqtary qozǵalys baǵytyn aldyn ala josparlaýy qajet.
Keltirilgen qolaısyzdyqtar úshin keshirim ótinemiz jáne jóndeý jumystarynyń júrgizilýine túsinistikpen qaraýdy suraımyz», delingen kólik basqarmasynyń habarlamasynda.