Qazaqstandyqtar aýmaqtyq departament basshylaryna bilim berý salasyndaǵy qandaı da bir problemalar týraly tikeleı habarlaı alady. Bul týraly Bilim jáne ǵylym mınıstrligi habarlady, dep jazady Egemen.kz.
«Onyń qatarynda mektepte aqsha jınaý, muǵalimderdi ózine tán emes jumysqa tartý, pedagogıkalyq etıkany buzý, bilim berý uıymdarynda qaýipsizdik júıeleri elementteriniń bolmaýy nemese jumys istemeýine (beınebaqylaý kameralary, dabyl batyrmalary) qatysty jáne t.b. máseleler bolýy múmkin», dep jazady BǴM baspasóz qyzmeti.
Buǵan deıin QR BǴM Bilim jáne ǵylym salasynda sapany qamtamasyz etý komıteti azamattardyń ótinishi úshin jedel jeli telefonyn qosqan bolatyn. О́tken demalys kúnderi Komıtetke 300-ge jýyq qońyraý shalynyp, habarlama túsken.
Esterińizge sala ketsek, oqý jylynyń basynda QR Bilim jáne ǵylym mınıstri azamattardyń ótinishin, shaǵymy men usynysyn jergilikti atqarýshy organdardyń (ákimdikterdiń) qaramaǵyndaǵy bilim basqarmasy basshylaryna jedel qarastyrýdy tapsyrǵan bolatyn. Olar mektepterge, sonymen birge búkil oqý prosesin uıymdastyrýǵa baılanysty máselelermen aınalysady.
«Azamattar jaýapty tulǵalarǵa tikeleı habarlasyp, keri baılanys pen qabyldanǵan sharalar týraly aqparatty ýaqytyly ala alady», dep jazylǵan habarlamada.
Departament basshylarynyń baılanys nómerin BǴM-nyń áleýmettik jelilerdegi paraqshasynan kórýge bolady.