Búgin Qazaqstannyń Azamattyq alıansy men «Eýrazııa halyqtary dostastyǵy» Reseı avtonomdy kommersııalyq emes uıymy uıymdastyrǵan «Dinı ekstremızmniń transshekaralyq qaterleri: Qazaqstannyń kózqarasy» halyqaralyq saraptama alańy ótti, dep habarlaıdy Egemen.kz AQDM-nyń baspasóz qyzmetine silteme jasap.
Saraptama alańynyń jumysyna Aqparat jáne qoǵamdyq damý mınıstrligi Din isteri komıtetiniń tóraǵasy Erjan Núkejanov, Qazaqstannyń Azamattyq alıansynyń prezıdenti Baný Nurǵazıeva, ǵylymı-sarapshylyq qoǵamdastyqtyń, dástúrli din ókilderiniń, sondaı-aq Qazaqstan men Reseıdiń dinı ekstremızmniń aldyn alý salasyndaǵy jetekshi sarapshylary qatysty.Erjan Núkejanov óz sózinde halyqaralyq terrorızm men ekstremızmniń taralý qaýpin aldyn alý, el ishinde jáne odan tys jerlerde qaýipsizdikti nyǵaıtý máseleleri Qazaqstan men Reseı arasyndaǵy yntymaqtastyqtyń odan ári negizgi basymdyqtary bolatynyn atap ótti.