Tamyz aıynyń sońynda Qazaqstanda farmasevtıka ónimderi baǵasy 0,3%-ǵa ósti, dep jazady Egemen.kz.
Energyprom.kz zertteýine sáıkes, tamyz aıynyń sońynda farmasevtıka ónimderi baǵasy aıyna 0,3%-ǵa jáne jylyna 3,3%-ǵa qymbattady. Ásirese, Mańǵystaý oblysynda dári-dáromek baǵasy - 14,1%, elordada - 10,9% jáne Aqmola oblysynda 9,1%-ǵa ósti. Al Qostanaı, Pavlodar (ár oblysta 0,1%) jáne Jambyl (2,9%) oblystarynda, kerisinshe, arzandady.
Farmasevtıkalyq preparattardyń ishinde «Hılak forte» (30 ml) birden 17,9%-ǵa (1,6 myń teńgege deıin), «Essensıale forte N» (30 kapsýla) 10,3%-ǵa, 2,9 myń teńgege deıin qymbattady, «No-shpa» (40 mg, 100 tabletka) 10,2%-ǵa, 2,7 myńǵa deıin ósse, «Korvalol» (25 ml) 9%-ǵa, 180 teńgege deıin, «Akvalor» (125 ml) 8,4%-ǵa, 2 myń teńgege deıin ósken. «Rennı», «Omez», «Ksımelın», «Ingavırın», ambroksol jáne basqa preparattar baǵasy aıtarlyqtaı qymbattady.
«Veroshpıronnyń» baǵasy (100 mg, 30 kapsýla) ózgerissiz qaldy - 2,2 myń teńge.
«Fenıstıl Nıý», «Gıpotıazıd», «Azıtromısın», sondaı-aq asetılsalısıl qyshqylynyń baǵasy tómendegen.
Aıta keteıik, QR Densaýlyq saqtaý mınıstriniń 2021 j. 27 tamyzdaǵy buıryǵymen óndirýshiniń dárilik zattyń fırmalyq ataýyna shekti baǵasy, dárilik zattyń bólshek jáne kóterme saýdadaǵy shekti baǵasy bekitildi. Tizimde barlyǵy 7023 dári bar. Buıryq 2021 jyly 18 qyrkúıekte kúshine endi.