Almatyda Keńes Odaǵynyń Batyry, Halyq Qaharmany, táýelsiz elimizdiń tuńǵysh Qorǵanys mınıstri Saǵadat Nurmaǵambetov turǵan úıdiń janyndaǵy memorıaldyq taqtaǵa gúl shoqtaryn qoıý rásimi ótti, dep jazady Egemen.kz.
«Saǵadat Qojahmetuly Nurmaǵambetov – el áskeriniń maqtanyshy ári armııanyń irgetasyn qalaýshy. Ol QR Qarýly Kúshterdiń barlyq jaýyngerine tabandylyqtyń, batyldyqtyń jáne Otan aldyndaǵy antyna shyn berilgen tulǵanyń úlgisi. Biz onyń kitaptaryn, estelikterin, maıdandaǵy erligi men beıbit ýaqyttaǵy janqııarlyq eńbegin bilip óstik. Ol ózine tán qaısarlyq, maqsat qoıǵyshtyq jáne áskerı antqa adaldyq sekildi qasıetiniń arqasynda Qazaqstan áskeri murasyn saqtap qana qoımaı, ony damytty», dedi Desanttyq-shabýyldaý áskerleri qolbasshysynyń tárbıe jáne ıdeologııalyq jumystar jónindegi orynbasary Radjan Janysov.
Sharaǵa garnızon basshylyǵy men áskerı qyzmetshileri, Qarýly Kúshterdiń ardagerleri, Áskerı-tehnıkalyq mekteptiń kýrsanttary men oqytýshylary jáne Halyq Qaharmanynyń qyzy Aısulý Saǵadatqyzy Nurmaǵambetova qatysty.