Qaraǵandy oblysy ekologııa departamentiniń ekology JShS quryltaıshysyna tabıǵatqa keltirilgen shyǵyn kólemin azaıtýǵa ýáde berdi. Bul qyzmet 10 mln teńgege baǵalanǵan, dep habarlaıdy Egemen.kz.
«Ekolog tekserý júrgizip, ekologııalyq zańnamanyń buzylýyn anyqtady. Oǵan osy kásiporynnyń tehnıkalyq dırektory para alýǵa kómektesti. Olar quryltaıshydan aqsha talap etip, «djekpotty» ekige bólýge kelisti. Biraq quryltaıshy para bergisi kelmeı, sybaılas jemqorlyqqa qarsy qyzmetke júgindi», dep jazady «Patrıot» portaly.
Tergeý barysynda JShS tehnıkalyq dırektory qaıtys boldy. Úkim tek ekologqa jarııalandy. Biraq oǵan para alý emes, alaıaqtyq áreketi boıynsha aıyp taǵyldy.
«Tehnıkalyq dırektor JShS basshylyǵyn para berýge ıtermeledi. Biraq JShS basshysy quqyq qorǵaý organdaryna júgindi. Nátıjesinde, ekologııa departamentiniń bas mamany jáne JShS tehnıkalyq dırektory aqsha alǵan kezde qylmys jasalǵan jerde ustaldy. Ekolog QK 3-bóliminiń 24-190-baptary boıynsha «Alaıaqtyqqa oqtalý» boıynsha aıyptaldy», dep habarlady Qaraǵandy oblystyq sotynda.