Aıda Balaeva eldegi BAQ týraly zańdy buzǵan basylymdar men ózge de aqparat taratýshylardyń qalaı jaýapqa tartylǵanyn aıtty. Sondaı-aq ol áleýmettik taqyryptardy qamtý kezinde zańnama talaptarynan bólek ózge de normalardy qatań saqtaý kerektigin eskertti, dep habarlaıdy Egemen.kz.
Buǵan deıin habarlaǵanymyzdaı elimizde BAQ týraly zańdy buzǵan 6 sheteldik saıttyń jumysy toqtatyldy.
Barlyq tirkelgen faktiler boıynsha buqaralyq aqparat quraldarynyń basshylaryna zań buzýshylyqtardy joıý týraly, sondaı-aq olardy áleýmettik jelilerden alyp tastaý týraly nusqamalar jiberilgen. Sonymen qatar tıisti aqparat quqyq qorǵaý organdaryna tabystaldy.
Osy rette Aqparat mınıstri zań talaptary tek BAQ qyzmetkerlerine ǵana emes, barlyq azamattarǵa jazylǵanyn eske saldy.
«Áleýmettik taqyryptardy qamtý kezinde zańnama talaptaryn ǵana emes, sonymen qatar kásibı etıka, moral men áleýmettik jaýapkershilik normalaryn da eskerý qajet ekenin túsingen jón.
Búgingi Astana media week alańy - quqyqtyq saýattylyqty arttyrý, sondaı-aq otandyq medıa salasy ókilderiniń kásibı biliktiligin arttyrý máselelerin sheshýdiń tıimdi tetikteriniń biri.
Qoryta aıtqanda, bizdiń qoǵamdaǵy áleýmettik janjaldardy durys qamtý máselesiniń kúrdeliligine nazar aýdarǵym keledi. Biz memlekettik saıasattyń mańyzdy baǵyttaryn aqparattyq boıynsha kómek kórsetýge árqashan daıynbyz», dedi Aıda Balaeva.