Sonaý kóne zamandarda Uly Jibek jolyndaǵy basty saýda jáne mádenıet ortalyqtarynyń biri bolǵan shahardyń kóshpeli órkenıet úshin mán-mańyzy asa joǵary boldy. Sodan bolar, bul óńirde keseneler, kıeli mazarlar men sáýlet keshenderi sııaqty ortaǵasyrlyq eskertkishter óte kóp.
«Atameken» tanymdyq ekspedısııa músheleri áýeli Ibrahım Ata kesenesine jol tartty.
Ibrahım Ata - Qoja Ahmet Iasaýıdiń ákesi. Saıramda Ibrahım Ata men onyń zaıyby Qarashash Ana kesenesi kıeli oryndardyń biri dep eseptelinedi.
Jýrnalıster «Hyzyr» munarasyna da bardy. Munaranyń bıiktigi jer silkinisi saldarynan 10,5 metrden 5,7 metrge deıin qysqarǵan. Dese de, munarany zerdelep, restavrasııa júrgizý maqsatynda tarıhshy-arheologtardan quralǵan top birlesip jumys atqarýda.
Qazirgi Saıram baǵa jetpes jádigerlerge tunyp turǵan ashyq aspan astyndaǵy murajaıdy eske salady. Osynaý kóne qala ekspedısııa músheleriniń saıahatyn túrlendire tústi.