Aldaǵy 8, 9 jáne 10 qazan kúnderi «Astana Opera» sahnasynda Qaraǵandy akademııalyq mýzykalyq komedııa teatry elordalyqtarǵa I.Kalmannyń «Sılva», I.Shtraýstyń «Vals koroli» operettalary men A.Kolkerdiń «Trýffaldıno» mıýzıklin usynady.
«Astana Opera» teatrynyń dırektory, Qazaqstannyń eńbek sińirgen qaıratkeri Ǵalym Ahmedıarovtiń aıtýynsha, atalǵan teatr óner saparynyń shymyldyǵyn belgili rejısser, RF Halyq ártisi, Qazaqstan Respýblıkasy Memlekettik syılyǵynyń laýreaty Iýrıı Aleksandrov sahnalaǵan I.Kalmannyń álemge áıgili «Sılva» spektaklimen ashady.
Sonymen qatar Qaraǵandy akademııalyq mýzykalyq komedııa teatry, ásirese, jetkinshekterge baǵaly syı retinde Á.Ábdinurovtyń qazaq ańyzdarynyń jelisimen jazylǵan «Kıeli Samuryq qus» ertegisi men «Kishkentaı Mýk» qoıylymyn tartý etedi.
Búginge deıin kenshiler qalasyndaǵy óner ordasynyń repertýarynda 280-nen astam qoıylym bar, onyń ishinde álemdik klassıkalyq opera jaýharlary men zamanaýı spektaklderdi aıtýǵa bolady.
«Astana Operanyń» IX maýsymy bastalǵannan beri elordaǵa buǵan deıin Almatydaǵy Abaı atyndaǵy qazaq memlekettik akademııalyq opera jáne balet teatry men Shymkent qalalyq opera jáne balet teatry gastroldik saparmen kelip, jurtshylyqty qýantsa, endi Qaraǵandy akademııalyq mýzykalyq komedııa teatrynyń úzdik týyndylaryn tamashalaýǵa múmkindik týyp otyr.