«QTJ» UK» AQ jelisinde temirjoldardy qardan tazalaý úshin 92 qar jınaıtyn mashına jáne 193 qar tazalaǵysh ázirlendi, dep habarlaıdy Egemen.kz.
Búgingi kúni barlyq tehnıka josparly jóndeý men tehnıkalyq tekseristen ótti.⠀Qar qalyń jaýǵan jáne burqasyn kezinde arnaıy tehnıkalar temir jol jelisindegi joldardy, baǵyttamaly burmalardy qardan tazalaý men jınaýda tıimdi paıdalaný úshin bólingen. Basym bóligi qar basyp qalatyn erekshe óńirlerde: Kókshetaý, Qostanaı, Pavlodar, Qaraǵandy, Semeı jáne Aqtóbe oblystarynda shoǵyrlanǵan.