«Aqyldy qala» tujyrymdamasyn iske asyrýǵa kómektesedi

Bul «Qazaqtelekom» men astanalyq ákimdiktiń sıfrlandyrý baǵytyndaǵy alǵashqy birlesken tájirıbesi emes. Kompanııanyń baspasóz qyzmeti taratqan málimetke súıensek, byltyr ulttyq baı­lanys operatory bas qaladaǵy densaýlyq saq­taý uıymdarynda ortalyqtandyrylǵan beıne­baqylaý júıesin engizýdi bastap, bul qoǵam­dyq qaýipsizdikti qamtamasyz etip qana qoı­maı qaladaǵy aýrýhanalar men emhanalarda kórse­tiletin qyzmetterdiń sapasyn jaqsartýǵa septesti.

Jasyratyny joq, pandemııa bastalǵaly beri elimizde medısınalyq kómekke der kezinde qol jetkizý ózekti máselege aınaldy. Sonymen qatar qońyraý aǵyny men belgili bir aýrýhananyń júktemesin, ondaǵy bos oryndardyń sanyn bilý qıynǵa soqty. Dál osy máselelerdi sheshý úshin sıfrlandyrý, ıaǵnı zamanaýı taldaý men jasandy ıntellekt júıesin engizý qajettiligi týyndady.

«Qazir kompanııada Smart City jelisin bas­qarýdyń kóptegen tetigi qarastyrylǵan. Onyń ishine IoT LPWAN jelisi, daıyn bultty beıne­baqy­laý ınfraqurylymy, Big Data, COVID karan­tındik sharalaryn saqtaý jáne baqylaý qu­ral­dary, GPS monıtorıngi, beınekonferen­sııa, telemedısına jáne taǵy basqalary kiredi. Biz usynǵan sheshimder basymdyqtardy durys anyqtaýǵa já­ne usynylatyn qalalyq qyzmetterdiń sapasyn jaq­sartýǵa jáne elorda turǵyndarynyń ómir súrý sapasyn jaqsartýǵa múmkindik beredi. Al jergilikti basqarý organdaryna bul birneshe múmkindikke jol ashady», dedi Q.Esekeev.

Sóz oraıy kelgende aıta keteıik, Aqmola obly­syndaǵy Aqkólde Smart City jobasy bir­neshe jyl boıy tabysty iske asyrylyp jatyr. Tu­tastaı aıtqanda, Aqkól Qazaqstanda birin­shi bolyp Smart City tehnologııalaryn engi­zýge múmkindik aldy. Smart tehnologııalar­dy engizý qalalyq qyzmetterdiń jumysyn ońtaı­landyrýǵa jáne turǵyndardyń ómir súrý deń­geıin jaqsartýǵa septigin tıgizýde. Máselen, kommý­naldyq qyzmetterdiń kórsetkishterin jınaý úshin páterlerdi aralap júrýdiń qajeti joq, derekter avtomatty túrde jınaqtalady. Turǵyndar qoljetimdi beınebaqylaýdy iske qosyp, onlaın rejimde beınekameralardaǵy aqparatqa qol jetkize alady. Sonymen qatar «aqyldy qala» sheshimderi Mańǵystaý oblysynyń Jańaózen qalasynda jáne Túrkistan qalasynda qanatqaqty joba retinde engizilip jatyr.