Elorda polısııasyna tańǵy saǵat 07:20-da bir adamnyń kópirden sekirmek bolyp turǵany týraly habarlama kelip tústi, dep habarlaıdy Egemen.kz Nur-Sultan qalasy Polısııa departamentiniń baspasóz qyzmetine silteme jasap.
Kýáger áıeldiń aıtýynsha, kıimin sheship, kópirdiń jaqtaýyna taıanǵan boıjetkenniń áreketi kúdik týdyrdy. Sol arada áıel boıjetkendi áńgimege tarta bastaǵan. Osy sátte olarǵa jas jigit júgirip kelip, kópirden sekirmek bolǵan qyzdy ustap úlgergen.
«Men ózimdi keremet batyrmyn demeımin. Bolyp jatqan oqıǵany kórip turyp, dym bolmaǵandaı ketip qala almadym. Túptep kelgende ómirdiń qandaı da bir qıyndyǵyna tap bolǵan adamǵa qol ushyn sozý árbirimizdiń paryzymyz», deıdi 28 jastaǵy qala turǵyny.
«Sizge adam ómirin qutqarǵan belsendi azamattyq áreketińiz úshin alǵysymdy bildiremin», dedi elorda polısııasynyń bastyǵy Erjan Sádenov Elena Kýrochkına men Darhan Jaqsylyqovqa Alǵys hattaryn tabystaı otyryp.