Aqmola oblysy boıynsha Sybaılas jemqorlyqqa qarsy qyzmet óńirdegi memlekettik satyp alý monıtorınginiń nátıjeleri týraly málimdedi, dep habarlaıdy Egemen.kz.
Memlekettik satyp alý sybaılas jemqorlyq úshin basty sala ekeni atap ótildi, jyl saıyn osy baǵytta myńdaǵan qylmys anyqtalady.
«Aqmola oblysy aýdanyndaǵy bilim berý mekemesi 14 250 000 teńge nemese 95 myń teńgege dápter satyp alýdy josparlaǵan, al 1 dápterdiń ortasha naryqtyq baǵasy - 60 teńge. Departamenttiń ýaqtyly aralasýynyń arqasynda bul áreket toqtatyldy jáne bıýdjet qarajaty únemdeldi. Mekemeniń aqparaty boıynsha, baǵdarlama ákimshisiniń memlekettik satyp alý portalyndaǵy aqparatty toltyrý kezinde qate kórsetýi dápterlerdiń joǵary baǵada bolýyna sebep boldy», delingen óńirlik Sybaılas jemqorlyqqa qarsy qyzmet habarlamasynda.
О́ńirlik sybaılas jemqorlyqqa qarsy qyzmet basshysy turǵyndardy bıýdjet qarajatynyń jumsalýyn baqylaý aıasynda belsendi azamattyq ustanym kórsetýge shaqyrdy.