Elordada qoǵamdyq kólik aıaldamasy áınegin syndyrǵan qyz ustaldy. Bul týraly Nur-Sultan qalalyq polısııa departamentinen málim etti, dep habarlaıdy Egemen.kz.
«Keshe saǵat 22:11-de Nur-Sultan qalalyq polısııa departamentiniń Jedel basqarý ortalyǵyna Bógenbaı batyr dańǵyly boıynda belgisiz adamnyń aıaldamanyń jáne oǵan taıaý mańda turǵan kólikterdiń áınegin syndyryp júrgeni týraly habarlama tústi.
Patrýldik polısııa polkiniń qyzmetkerleri 23 jastaǵy Petropavl qalasynyń turǵynyn ustady. Kúdik qyzdyń qolynda kirpishpen aldymen aıalama áınegin, odan keıin «Toyota Corolla» jáne «Nissan» markaly kólikterdiń artqy terezelerin syndyrǵany anyqtaldy», delingen departament málimetinde.
Vedomstvo aqparatyna sáıkes, atalǵan fakt boıynsha «buzaqylyq» babymen qylmystyq is qozǵalǵan.
«Qoǵamdyq tártipti óreskel buzǵany, sonymen qatar ózgeniń múlkin búldirgeni úshin ustalǵan adamǵa qatysty sotqa deıingi tergeý bastaldy. Shyǵyn somasy anyqtalyp jatyr», dedi «Baıqońyr» aýdandyq PB bastyǵynyń orynbasary Darhan Saıranbekov.