Semeı qalasynda kóktaıǵaqtan 6 kólik soqtyǵysyp qaldy, dep habarlaıdy Egemen.kz.
ShQO Polısııa departamenti baspasóz qyzmetiniń málimetine súıensek, jol-kólik oqıǵasy 16 qazanda saǵat 08.30-da jańa kópirde bolǵan.
«Lada Granta markaly kóliktiń 23 jastaǵy júrgizýshisi kóktaıǵaqtan rýldi basqara almaı qalyp Mitsubishi, Volgswagen jáne Hyundai kólikterimen soǵyldy. Sonyń saldarynan Hyundai kóligi taǵy eki Toyota kólikterimen soqtyǵysqan», dep habarlady vedomstvo ókilderi.
Jol apatynan eshkim zardap shekken joq. Qazirgi ýaqytta polısııa qyzmetkerleri oqıǵanyń mán-jaıyn anyqtap jatyr. Tıisti saraptamalar da taǵaıyndalǵan.