Býyn aýystyrý operasııasy medısınalyq saqtandyrý esebinen jasalady

Endoprotezdeý – qandaı da bir keseldiń nemese jaraqat saldarynan zaqymdanǵan býyndy hırýrgııalyq jolmen jasandy býynǵa almastyratyn ota. Osy ota arqyly aıaq-qoldyń qımylyn qalpyna keltirýge bolady.

Almaty qalalyq №4 aýrý­ha­nanyń endoprotezdeý bóli­mi­niń meńgerýshisi Manarbek Áýbá­ki­rovtiń aıtýynsha, joǵa­ry­da­ǵy zeınetker avtobýstan qulap ja­ra­qat alǵan. Dárigerler birden jam­bas súıeginiń jabyq sýbkapı­tal­dy synyǵy degen dıagnoz qo­ıyp­ty.

«Naýqas aýrýhanaǵa túsken kez­de pasıent jambasy isip, qat­­ty aýyratynyn aıtyp, sha­ǵym­­­dandy. Sonymen qatar qı­myl-qozǵalysy qıyndap, jú­rip-turýdan qalǵan. Qabyldaý bó­liminde ony keshendi tekserýden ótkizdik, terapevt, travmatolog, anestezıologtan quralǵan mýl­tıdıssıplınarlyq komanda qara­dy», deıdi M.Áýbákirov.

Jasy toqsandy alqymdaǵan Vera Kım otanyń bul túrinen habar­dar eken. Sondyqtan ol kisi ota jasaýǵa birden kelisim beredi.

«Bazardan qaıtyp kele jatyp avtobýsqa mindim. Túserde aıaǵym taıyp ketip joldyń jıegindegi tasqa quladym. Sóıtsem jambas súıegim synǵan eken. Birden jedel járdem shaqyrtyp, olar meni №4 aýrýhanaǵa jetkizdi. Dárigerler qarap shyqqannan keıin ota jasaý qajettigin aıtty. Balalarym da birden kelisti. Ota tez, jaqsy ja­saldy. Sodan beri mine, bir apta ótti, qazir aıaǵymdy basyp jú­remin. Qartaıǵan shaǵymda osyndaı qýanysh syılaǵan dári­ger­lerge rızamyn», deıdi V.Kım.

Býyn almastyrý otasy jalpy quny 1,5 mln teńgeden bastalatyn joǵary tehnologııalyq operasııalar qataryna jatady. Ota zeınetkerge MÁMS paketi sheńberinde tegin jasal­dy. Endoprotezdeý sońǵy jyldary kóp jasalyp júr­gen manıpýlıasııalardyń biri. Sebebi ol býyny aýyratyn syr­qat­­tyń aýrýyn jeńildetip, emin-er­kin júrip-turýyna múmkindik be­redi.

Medısınalyq saqtandyrý qory Almaty qalalyq fılıa­ly­nyń dırektory Tileýhan Ábil­daevtyń aıtýynsha, saqtan­dy­rylǵan turǵyndar joǵary tehno­logııalardyń kómegimen jasa­la­tyn qyzmetterdi, KT, MRT syndy konsýltatıvtik-dıagnos­tı­kalyq qyzmet túrlerin, reabı­lı­­tasııalyq kómekti turaqty túr­de paıdalanyp keledi.

«MÁMS paketiniń aýqymy keń. Saqtandyrylǵan azamattar kópshiliktiń qaltasy kótere ber­meıtin osyndaı ota túrlerin ja­satý qajet bolǵan jaǵdaıda medısınalyq qyzmetti kóp shy­ǵyn­dalmaı, kedergisiz paıdalana alady. Sondyqtan barsha azamat­tar­dy saqtandyrý júıesine qaty­sý­ǵa shaqyramyn», dedi fılıal dırektory.