Petropavlda bes qabatty turǵyn úıdiń balkonynan órt shyǵyp, órt sóndirýshiler bir adamdy qutqaryp, 15 adamdy qaýipsiz jerge shyǵarýǵa týra keldi, dep habarlaıdy Egemen.kz.
Chaıkovskıı kóshesindegi 13-úıde eki balkonnyń janyp jatqandyǵy týraly habarlama 101 nómirine saǵat 14.06-da túsken. Oqıǵa ornyna jetken órt sóndirýshiler aldymen kók tútinge oranǵan páterden 51 jastaǵy er adamdy avtosatynyń kómegimen alyp shyqty.
Sondaı-aq taǵy 15 turǵyndy, sonyń ishinde 4 balany qaýipsiz jerge shyǵardy.
«О́rt úıdiń 3-qabatyndaǵy balkonnan shyǵyp, ústińgi qabattyń balkonyna aýysqan. Aldyn ala boljam boıynsha, órttiń shyǵýyna sóndirilmegen temeki tuqyly sebep bolýy múmkin. Qutqarylǵan er adam mas boldy», deıdi Petropavl qalalyq № 3 órt sóndirý bólimi bastyǵynyń orynbasary Ernar Rústem.
Jalynmen kúreske 6 tehnıka jáne 25 adam jumyldyrylyp, 20 mınýttyń ishinde tolyq sóndirildi. Qutqarylǵan er adamnyń aıtýynsha, páterdi birneshe adam jaldap turady. Astanalyq brıgada Petropavlda qurylys nysanynda jumys isteıdi.