Pavlodar oblystyq balalar aýrýhanasynda órt boldy, dep habarlaıdy Egemen.kz.
Pavlodar oblystyq densaýlyq saqtaý basqarmasynyń habarlaýynsha, órt dabyly 29 qazan kúni saǵat 03:36-da oblystyq balalar aýrýhanasynyń ǵımaratynda iske qosylǵan.
«Qyzmetkerler bolǵan oqıǵa týraly órt sóndirý qyzmetine jáne jedel medısınalyq kómek qyzmetine, sondaı-aq oqıǵa ornyna shuǵyl kelgen aýrýhana basshylyǵyna habarlady. Oqıǵa ornyna kelgen soń, Nurkın kóshesi, 75 mekenjaıyndaǵy ınfeksııalyq stasıonardyń «A» korpýsyndaǵy 1-shi bólimsheniń birinshi qabatyndaǵy sanıtarlyq ótkizý pýnktinde tútin oshaǵy tabyldy, sonyń nátıjesinde dálizde tútin shyqty», dep habarlady Pavlodar oblysy Densaýlyq saqtaý basqarmasynyń baspasóz qyzmeti.
Vedomstvoda «palatalarda tútin bolǵan joq, sebebi olar boks túrinde jobalanǵan» dep sendirdi.
«Oqıǵaǵa deıin bir jarym saǵat buryn «PREK» JShS balansyndaǵy TP-463-ten beriletin ınfeksııalyq stasıonarda elektr energııasy ajyratyldy. Avarııalyq brıgada shaqyryldy. Múmkin, bul oqıǵa elektr jelisindegi kerneýdiń tómendeýine sebep bolǵan shyǵar», deıdi vedomstvonyń baspasóz qyzmeti.
oblystyq densaýlyq saqtaý basqarmasynyń málimetinshe, naýqastar «A» korpýsynan 150 m jerde ornalasqan «B» korpýsyna qaýipsiz jerge jedel kóshirildi.
Nátıjesinde, 112 bala, 76 kútim tulǵalary evakýasııalandy. О́rt saldarynan zardap shekkender joq.