Serbııa astanasy Belgrad qalasynda ótip jatqan álem chempıonatynyń jartylaı fınaly jalǵasýda, dep habarlaıdy Egemen.kz.
51 kılo salmaq dárejesinde sharshy alańǵa kóterilgen qazaq oǵlany Sáken Bıbosynov taılandtyq Tanarat Saengfetpen judyryqtasty. Tartysty ótken jekpe-jekte tamasha taktıka qoldanyp, óziniń boıy men qolynyń uzyndyǵyn utymdy paıdalana bilgen Sáken Bıbosynov soqqylaryn dóp tıgizip, qarsylasynan aılasyn asyrdy. Olımpıada oıyndarynda qola medal ıelengen sańlaq endi álem chempıony atanýdy kózdeıdi. Maqsatyna jetýge Sákenniń múmkindigi de mol.