Sybaılas jemqorlyqqa qarsy qyzmet Aqtóbe oblysynyń «Ulttyq agrarlyq ǵylymı-bilim berý ortalyǵy» KeAQ menedjeri uıymdastyrǵan urlyqtyń qylmystyq shemasyn ashty, dep habarlaıdy Egemen.kz Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.
Menedjer óziniń úlestes JK men JShS arqyly 30 sharýa qojalyǵyna jaıylymdardy sýlandyrý júıesi úshin kún panelderin anyq joǵary baǵamen ornatqan.
«Jymqyrý somasy shamamen 66 mln teńgeni quraıdy. 3 qarashada sottyń sanksııasymen kúdikti qamaýǵa alyndy. Aıyptalýshynyń kináli nemese kinásiz ekendigin sot anyqtaıdy. Tergeý múddesine saı ózge aqparat jarııa etilmeıdi», delingen habarlamada.