Atyraý oblysynda joǵalyp ketken 4 balyqshyny tikushaqpen izdep jatyr, dep habarlaıdy Egemen.kz.
Oblystyq tótenshe jaǵdaılar departamenti baspasóz qyzmetiniń málimetine súıensek, «Amangeldi» jáne «SefKaspııfısh» JShS-niń 4 balyqshysy 3 qarashada joǵalǵan. Olar balyq aýlaýǵa shyǵyp, qaıta oralmaǵan.
«Joǵalǵan balyqshylardy izdeý búgin, 6 qarasha kúni bastaldy. Oǵan «MI-8 tikushaǵy tartyldy. Tikushaq Atyraý qalasynan saǵat 09:58-de ushyp shyqty. Bortta ekıpajdyń 3 múshesi, tótenshe jaǵdaılar departamentiniń 4 qyzmetkeri men «Amangeldi» JShS-niń 1 mamany bar. Aerovızýaldy izdestirý jumystary 270 shaqyrym qashyqtyqta, ıaǵnı Kaspıı teńiziniń Isataı, Qurmanǵazy aýdandary aýmaǵyndaǵy jaǵalaýda júrgizildi», dep habarlady departamenttiń baspasóz qyzmeti.
Joǵalǵan balyqshylar áli tabylǵan joq.