О́ńir polıseıleriniń qatarynda sportty janyna serik etkender az emes. Sonyń biri – polısııa podpolkovnıgi Aıbek Tileshev.
Atyraý qalalyq polısııa basqarmasyndaǵy tergeý bólimin basqaratyn ol jaqynda Túrkııanyń Belek qalasynda ótken Ironman 70.3 Turkey trıatlon jarysyna qatysty. Júzý, júgirý jáne velosport túrleri biriktirilgen trıatlonda atyraýlyq polıseı 113 shaqyrymdyq qashyqtyqty 5 saǵat 32 mınýtta baǵyndyrdy.
– Qazir tanymal bolǵan Ironman 70.3 Turkey – dúnıejúzilik trıatlon korporasııasy ótkizetin uzaq qashyqtyqtaǵy halyqaralyq saıys. Trıatlon jarystarynyń serııasy ásirese, jastar arasynda qyzyǵýshylyq týdyryp otyr. Bul saıystyń ereksheligi, árbir jeke jarys úzilissiz tártippen ótkiziletin úsh kezeńnen turady. Bul – 1,9 shaqyrymǵa júzý, 90 shaqyrymdyq tas jol boıymen velosıpedpen júrý, sondaı-aq 21,1 shaqyrymdy jartylaı marafondyq ádispen júgirý. Men bul jarysqa Atyraý qalasynda eki jyl buryn qurylǵan Atyrauironteam áýesqoı trıatlon klýbynyń quramy atynan qatystym, – deıdi Aıbek Tileshev.
Endi polısııa podpolkovnıgi Ironman trıatlon serııasynyń tolyq saıysyna qatysýdy josparlap otyr. Onda sý aıdynynda 4 shaqyrymǵa jýyq júzý, velosıpedpen 180 shaqyrymdy júrip ótý jáne 42 shaqyrymdyq marafon qashyqtyǵyna júgirý qajet.
Atyraý oblysy