Energetıka mınıstrliginiń laýazymdy tulǵasyna qatysty rezonanstyq gaz isi boıynsha úkim shyǵaryldy, ol 115 myńnan 3 mln teńgege deıin para aldy. Bul týraly QR Sybaılas jemqorlyqqa qarsy is-qımyl agenttiginiń Nur-Sultan qalasy boıynsha departamentiniń basshysy Shyńǵys Qabdolla aıtty, dep habarlaıdy Egemen.kz.
«Osy jyldyń qazan aıynda Energetıka mınıstrliginiń laýazymdy tulǵasy Amangeldiulyna qatysty rezonanstyq, gaz isi boıynsha úkim shyǵaryldy, oǵan áleýmettik gaz kólemin bólgeni úshin Mańǵystaý, Pavlodar, Batys Qazaqstan oblystarynyń gaz jelisi uıymdarynyń ókilderinen 115 myńnan 3 mln teńgege deıin júıeli negizde para alý faktisi boıynsha 8 jyl merzimge bas bostandyǵynan aıyrý jazasy taǵaıyndaldy», dep habarlady Qabdolla brıfıngte.
Ol qosymsha jaza retinde sot para somasyn óndirip alǵanyn qosty.
Departament basshysynyń aıtýynsha, sot onyń sybaılasy - Mańǵystaý oblysynyń gaz jelisi uıymynyń dırektoryna úsh jyl bas bostandyǵynan aıyrý jazasyn taǵaıyndady.
Sot úkimi zańdy kúshine endi.