Ýkraına azamattary COVID-19 preparatynyń eki dozasyn qabyldaǵany úshin 1000 grıvn mólsherinde tólem alady, dep habarlaıdy Egemen.kz Ýkraına prezıdenti Vladımır Zelenskııdiń Telegram arnasyna silteme jasap.
Vaksınasııalanǵan Ýkraına azamattary 1000 grıvn (16 332 tg) mólsherindegi tólemdi memlekettik qyzmet analogy, Diya qosymshasy arqyly alady eken. Zelenskıı ýkraındyqtar bul qarajatty ne úshin jumsaı alatynyn da aıtty.
«Bul aqshaǵa sport zalyna nemese fıtnes-klýbqa jazylý, kınoteatrǵa, teatrǵa, murajaıǵa, konserttik zalǵa nemese kórme ortalyǵyna barýǵa, ishki áýe jáne temirjol kóligine el ishinde saıahattaýǵa bılet satyp alýǵa bolady», dedi Zelenskıı.
Ýkraına prezıdenti bul baǵdarlama 19 jeltoqsanda iske qosylatynyn habarlady. Ýkraına úkimeti bul tólemderge jyldyń aıaǵynda shamamen 3 mlrd grıvn, al kelesi jyldyń basynda 3 mlrd grıvn bóledi. Osylaısha, tek 6 mıllıon ýkraınalyq tólemder ala alady eken.