Qazaqstanda dándi jáne dándi-burshaqty daqyldardy jınaý aıaqtaldy. Aýa raıynyń qolaısyzdyǵyna qaramastan 16,4 mln tonna astyq bastyrylyp, ortasha ónimdilik gektaryna 10,3 sentnerdi qurady.
Aýyl sharýashylyǵy mınıstrliginiń habarlaýynsha, 80,8 myń tonna qaraqumyq jınalǵan. Bul 2020 jylǵy deńgeıden76 paıyzǵa artyq. Sondaı-aq qara bıdaı ótken jylmen salystyrǵanda 43 paıyzǵa, dándik júgeri 22,6 paıyzǵa, burshaq daqyldary 1,3 paıyzǵa artyq jınalǵan. Tary ónimdiligi ótken jylmen salystyrǵanda 15 paıyzǵa, júgeri 5 paıyzǵaósken.
«Jańa eginniń astyǵy joǵary sapaly kórsetkishterge ıe. Máselen, lısenzııalanǵan astyq qabyldaý kásiporyndaryna tapsyrylǵan jumsaq bıdaıdyń jalpy kóleminiń 90,5 paıyzy 1-3 synyptarǵa jatqyzylǵan. 2020 jyly bul kórsetkish 81,2 paıyz-dy quraǵan bolatyn», delingen mınıstrlik habarlamasynda.
Quramynda dáni joǵary bıdaı úlesiniń aıtarlyqtaı ósýi baıqalady. Bul rette 3-synypty jumsaq bıdaı kóleminde álemdik naryqta suranysqa ıe joǵary sapaly HI-Pro bıdaıynyń úlesi shamamen 60 paıyzdy quraǵan.
«О́sirilgen astyq ishki naryqty tolyq qamtamasyz etý úshin, sondaı-aq eksportqa belgili bir kólemdi jóneltý úshin jetkilikti», deıdi mınıstrlik.
Sonymen qatar 3,9 mln tonna kartop, 4,9 mln tonna kókónis daqyldary, 2,8 mln tonna baqsha daqyldary jınaldy.
Maıly daqyldardy jınaý jalǵasýda. Olardyń jalpy jınaý alańynyń 3 mln gektary (96,6 paıyzy) jınalyp, 2,3 mln tonnasy bastyrylǵan.