Oralda toǵyz qabatty úıdegi órtten 5 adam qutqarylyp, 30 adam evakýasııalandy, dep habarlaıdy Egemen.kz.
BQO TJ departamentiniń baspasóz qyzmeti málim etkenindeı, oqıǵa 22 qarasha kúni Qurmanǵazy kóshesi 210/1- mekenjaıynda boldy. Saǵat 13.02-de 3 jáne 4 qabat arasyndaǵy elektr qalqany, sondaı-aq 3-ten 5 qabatqa deıin 9 metr elektr kabeli jandy.
TJ departamentiniń kúshimen 5 adam qutqarylsa, sonyń úsheýi – balalar. Oǵan qosa 30 adam shyǵaryldy, onyń tórteýi – balalar. Zardap shekkender joq. О́rt saǵat 13.41-de oqshaýlanyp, 13.56-da sóndirildi.
Qazirgi kezde órttiń shyǵý sebebi, keltirilgen shyǵyn, kináli adamdar anyqtalý ústinde.