Qazaqstandyq aralas jekpe-jek sheberi Jalǵas Jumaǵulov 4 jeltoqsan kúni UFC-degi kezekti jekpe-jegin ótkizetini málim. Jalǵasqa qarsy segiz buryshqa shyǵatyn Manel Kape qazaqstandyq sportshyny ońaı jeńetinine senimdi, dep habarlaıdy Egemen.kz.
«Jalǵas Jumaǵulov ýaqytynda myqty sportshy bolǵany ras. Biraq qazir qatardaǵy jaýyngerlerdiń biri. Bul shaıqas ol úshin eń aýyr synaqtyń biri bolatyny daýsyz. Men oǵan qaraǵanda jaspyn, jyldammyn, kóptegen qarsylasymdy merziminen buryn jeńgenmin. Eń bastysy men tolyq bes raýndty erkin ótkize alamyn. Al Jalǵastyń qýaty tolyq úsh raýndqa jetetinine kúmánmen qaraımyn. Ol ekinshi raýndtyń ózinde-aq jyldamdyǵyn joǵalta bastaıtynyn jekpe-jekterinen baıqadym. Qarsylastaryn jyldam qulatqysy kelgenimen, onysynan túk ónbeıdi. Bul kezdesý – meniń mansabymdaǵy eń jeńil jekpe-jek», deıdi Manel Kape.
Kapeniń óz oıy men jospary bar. Alaıda qazaq jankúıerleri Jalǵastyń jeńiske jetetinine senedi.