Nursultan Nazarbaev «Astana Opera» teatrynda ótken belgili opera ánshisi Marııa Mýdrıaktyń «Sen úshin, meniń Qazaqstanym!» konsertin tamashalady, dep habarlaıdy Egemen.kz Elbasynyń baspasóz qyzmetine silteme jasap.
Balalyq shaǵynda ol «Bolashaq» baǵdarlamasy boıynsha Mılanda joǵary mýzyka akademııasynda oqyp, sodan keıin Dj.Verdı atyndaǵy Memlekettik konservatorııany sátti bitirdi.
Marııa Mýdrıak - kóptegen halyqaralyq baıqaýlardyń laýreaty. Qysqa ýaqyt ishinde ol eń tanymal opera ánshileriniń birine aınalyp, áıgili teatrlardyń sahnalarynda óner kórsetti.
Konsert Qazaqstannyń Tuńǵysh Prezıdenti kúnine jáne el Táýelsizdiginiń 30 jyldyǵyna arnaldy. Merekelik baǵdarlamaǵa barıton Vladımır Stoıanov jáne «Astana Opera» teatrynyń sımfonııalyq orkestri qatysty.
Konserttik baǵdarlamanyń sońynda Elbasy Marııa Mýdrıakpen áńgimelesti. Ol Elbasymen aldaǵy shyǵarmashylyq josparlarymen bólisip, Qazaqstanda taǵy birneshe konsert berýdi, sondaı-aq EKSPO dúnıejúzilik kórmesiniń qonaqtary úshin BAÁ-de óner kórsetýdi qalaıtynyn aıtty. О́z kezeginde Elbasy opera ánshisiniń joǵary kásibıligin atap ótip, oǵan shyǵarmashylyq tabys tiledi.